MARITIMT
Gjennombrot for Kleven ORN i Brasil
Publisert: 12.08.2014 kl. 10.53 | Oppdatert: 09.01.2017 kl. 17.02
Kleven ORN har inngått ein langsiktig kontrakt med Kongsberg Maritime si verksemd i Brasil om produksjon og testing av utstyr. Utstyret skal inngå i Kongsberg Maritime sine systemleveransar til den brasilianske marknaden.
– For Kleven ORN er dette eit gjennombrot, seier Trond Liavaag, adm.dir. i Kleven Maritime Technology. Kleven ORN har sidan oppstarten i 2012 utført service på elektro- og elektronikkutstyr om bord i offshorefartøy som opererer utanfor Brasil. Avtalen med Kongsberg inneber at ein no utvidar aktiviteten frå rein service til å også omfatte produksjon. Dei første ordrane omfattar leveranse av utstyr til fleire boreskip og boreplattformer som er under bygging i Brasil.
– Kongsberg er ein svært interessant samarbeidspartnar med si verdsomfattande verksemd. Oppdraget vert ein viktig referanse for Kleven ORN, og er eit godt døme på at samarbeid og gode relasjonar i heimemarknaden gjev styrke også internasjonalt, seier Liavaag.
Kleven ORN har ca 20 tilsette, og held til i Niteroi utanfor Rio, Brasil. Selskapet er eit fellesforetak mellom Kleven Maritime Technology (eit samarbeid mellom Kleven og Hareid Group) og det brasilianske serviceselskapet Offshore Reparos Navais.
Relaterte artikler
-
Kleven og Hareid satsar i Brasil
12 år siden -
Island Offshore kontraherer hos Vard
9 år siden -
Solid overskot for Kleven
9 år siden -
Ny kontrakt for Solstad i Brasil
9 år siden -
Sebastian AS tegner kontrakt med Statoil
10 år siden -
Rolls-Royce design og utstyr til Brasil
11 år siden