Ny byggekontrakt til Kleven

Publisert: 14.11.2017 kl. 15.15
Det nye fartøyet skal byggjast ved Kleven Verft i Ulsteinvik. Foto: Kleven Verft
Det nye fartøyet skal byggjast ved Kleven Verft i Ulsteinvik. Foto: Kleven Verft
Kleven Verft skal bygge et explorer-fartøy i samarbeid med Lürssen, kjem det fram av ei pressemelding frå verftet.
 

Kleven har inngått kontrakt om bygging av eit 100 meter langt explorer-fartøy. Kontrakten er inngått i samarbeid med tyske Lürssen, som er verdsleiande innan design og bygging av store yachtar. 

Fartøyet vil bli bygd, teknisk sluttført og delvis utrusta ved Kleven Verft i Ulsteinvik, medan sluttutrusting og innreiing vert gjort ved Lürssen sitt Blohm+Voss-anlegg i Hamburg. 

– Vi er stolte over å kunne offentleggjere det første resultatet av samarbeidet mellom Kleven og Lürssen, seier Ståle Rasmussen, konsernsjef i Kleven, i presseskrivet. 

– Med over 140 års historie i luksusyachtmarknaden, er Lürssen det desidert mest erfarne og kunnskapsrike selskapet i bransjen, og vi er stolte over at dei har valt Kleven som sin langsiktige partner for uvikling av framtidsretta, høgteknologiske fartøy. Dette første fartøyet skal blant anna ha ein stor og avansert batteripakke. 

– Kombinasjonen av Lürssen sine verdsleiande design og Kleven sitt moderne og robotiserte produksjonsanlegg vil gje kundane eit kvalitetsprodukt utan like, og vi vonar dette vil bli eit fruktbart samarbeid for alle partar, seier Ståle Rasmussen.

Kurt W. Vadset

kurt[a]maritimt.com

Kommenter denne artikkelen

Relaterte artikler