Reiarlaget Golden Energy Offshore i Ålesund har inngått driftsavtalar for dei to plattform forsyningsskipa av PX121-design som Ulstein Verft byggjer for Blue Ship Invest. Skipa er klare for levering i første kvartal 2015.

PX121-designet frå Ulstein har vorte svært attraktivt sidan det første skipet starta i arbeid i 2012, og til no har 30 skip av denne typen vorte kontraherte av ulike reiarlag for bygging på verft kringom i verda. Mannskapa på dei leverte skipa gir særs gode tilbakemeldingar, mellom anna som følgje av komforten om bord og skipa si evne til å halde oppe operasjonell drift sjølv i dårleg vêr.

– I Golden Energy Offshore har vi alle driftsfunksjonar innanfor selskapet, og vi ser fram til å samarbeide med Blue Ship Invest, seier konsernsjef Per Ivar Fagervoll i Golden Energy Offshore.