Den 83,5 meter lange pelagiske ringnottrålaren Nordborg har nett starta jomfruturen på veg heim til Klaksvik på Færøyane. Fartøyet er bygd ved verftet Asmar Shipbuilding i Tulcuahuano, Chile, og er er ein av dei mest sofistikerte fiskebåtane som blir levert i år. Nordborg er av Rolls-Royce design, type NVC-355.

Det nye designet er utvikla i tett samarbeid med eigaren Hvalnes P/f på Færøyane. I tillegg til design har Rolls-Royce levert hovedutstyret til fartøyet som framdriftsanlegg, hjelpemotor, vinsjar, automasjon, thrusterar, ror og styremaskin, sammenfatta i ein integrert leveranse.

Fartøyet er designa for produksjon om bord, med ein innfrysingskapasitet på over 200 tonn sildefilet i døgnet. Fartøyet som har ei lengde på 83,5 meter, har ein RSW (Refrigerated Sea Water) lastekapasitet på 1200m³ samt fryserom med kapasitet på 2400m³. Så snart fisken er filetert og pakka klar til levering, går alt avfallet til produksjon av fiskemjøl og fiskeolje om bord. Tankkapasiteten til fiskeolje er 160m³, medan lagerkapasiteten til fiskemjøl er på 1000m³.

Den nye skrogdesignen tek hensyn til dei auka krava om drivstoffbesparing kombinert med gode sjøeigenskapar. Å begrense støyen om bord har vore ein viktig faktor, for å gi mannskapet eit betre arbeidsmiljø samt komfort. Nordborg har kapasitet til eit mannskap på 30, og vert levert med topp moderne elektronikk, fiskeleitings- og kommunikasjonsutstyr.

Fartøyet skal fiske etter sild, makrell, lodde og kolmule, og er utrusta med separat dekksutstyr for tråling og fiske med ringnot. Fangstområda skal hovedsakleg vere rundt Færøyane, i Nordsjøen, Atlanteren, havområda ved Island og Barentshavet.

Reiaren, Hvalnes P/f, eig i tillegg den gamle Nordborg, no kalla Christian i Grotinum.