Noreq AS vart nyleg vald som leverandør av redningsutstyr til seks drillskip som Samsung Heavy Industries i Korea byggjer for danske Maersk Drilling.

Noreq skal levere seks livbåtar med tilhøyrande davitar og ein redningsbåt med tilhøyrande davit til kvart skip. Totalt er det snakk om 36 livbåtar med davitar og fire redningsbåtar med davitar. Dette er dermed den største kontrakten i Noreq si fem-årige historie.

– Kontrakten er ein av fleire som Noreq inngår med store asiatiske verft i den seinare tid. Det skuldast nok at fleire og fleire ser fordelane med våre nye davitar. 2012 og 2013 teiknar til å bli gode år for Noreq og det ser ut for at den store satsinga vår i Asia no byrjar å vise resultat, seier Styrk Bekkenes i Noreq AS.