Stadt Naval er tildelt kontrakt for levering av sitt patenterte Lean Propulsion® System til den polske marine sitt nye ubåtredningsfartøy «Ratownik», som no vert bygd ved PGZ Stocznia Wojenna – verftet.

Det 96 meter lange skipet er designa for komplekse og krevjande marineoperasjonar. Fartøyet skal gjennomføre ubåtredningsoppdrag, avanserte dykkaroperasjonar og vern av havbotninfrastruktur i Østersjøen. Desse operasjonane krev presis dynamisk posisjonering (DP), høg manøvrerbarheit og særs låg akustisk signatur for å sikre trygge og effektive operasjonar i sensitive undervassmiljø.

OPTIMALISERT FOR MARINE REDNINGSOPERASJONAR
I kontrakta skal Stadt levere eit komplett dieselelektrisk energi- og framdriftssystem på 11 MWe basert på Lean Propulsion®-teknologien – med AC hovudtavle på 690 volt. Fartøyet vil få fem propellar, alle i CP-utførelse, drivne av Stadt AC-induksjonsmotorar. Desse motorane er svært effektive og pålitelege, og er produserte utan bruk av sjeldne jordartar. Løysinga er utvikla for å levere støyfri propelloperasjon, noko som er eit kritisk krav for ubåtredningsoperasjonar og andre akustisk sensitive marineoppdrag.

I motsetnad til andre likestraumsbaserte energiløysingar på marknaden, er Stadt sitt Lean Propulsion®-system bygd på rein vekselstraumsbasert AC hovudkraftdistribusjon. Denne systemarkitekturen eliminerer elektromagnetisk støy (EMI) og leverer lågast mogleg undervass støy (URN), testa og verifisert av den norske marinen. I tillegg tilbyr løysinga særs høg pålitelegheit basert på velprøvd teknologi, minimale energitap på berre 0,1 prosent i elektriske drives og vesentleg redusert systemkompleksitet.

VELPRØVD TEKNOLOGI OG AUKANDE NÆRVÆR
– Dette vert Stadt sitt fjerde marinefartøyprosjekt i Polen med komplette dieselelektriske energi- og framdriftsløysingar. Det stadfestar Stadt NAVAL sin etablerte internasjonale marknadsposisjon, med eineståande marknadsdel i nord-europeiske land så langt. Prosjektet bidreg òg til vidare vekst og nye arbeidsplassar i Gjerdsvika, og markerer starten på eit langsiktig samarbeid mellom Stadt GROUP, PGZ og Polen, seier Hallvard L. Slettevoll.

Den installerte elektriske energien vil drive hovudpropellane (CP), ein nedfellbar CP-thruster, baugmonterte CP-thrustrar og to store elektriske FiFi-pumper mellom anna.

Med «Ratownik» - programmet vert nybygget det 18. DP-klassifiserte fartøyet utstyrt med Stadt si Lean Propulsion®-teknologi, noko som ytterlegare styrkjer selskapet si merittliste innan avansert elektrifisering av marine- og offshorefartøy.

SAMARBEID I FORSVARSINDUSTRIEN
PGZ er den største forsvarsverksemda i Polen og omfattar meir enn 50 selskap, samt eigardelar i 32 andre innan forsvar, skipsbygging og avansert teknologi. I 2024 vart PGZ rangert som nummer 51 blant verdas 100 største våpenprodusentar målt etter omsetnad, og opererer innan fem domene: landsystem, våpen og ammunisjon, C4ISR, luft og sjø.

er eit norsk selskap med global tilstadeværelse, og opererer gjennom fire kontor verda over og fleire servicelokasjonar. Stadt NAVAL er ein del av Stadt GROUP AS, etablert av Hallvard L. Slettevoll i 1985. Med ei historie på over 40 år har selskapet ei leiande marknadsstilling innan elektriske framdriftssystem for marinefartøy, og integrerer si patenterte Lean Propulsion®-teknologi for å støtte stillegåande, effektive, velprøvde og pålitelege Stadt NAVAL