Skroget til DP3-kabelleggingsfartøyet Nexans Electra kom til Ulstein Verft den 5. juli 2025. Dette markerer starten på utrustings- og ferdigstillingsfasen til skipet. Når det er ferdig i 2026, vil det ha ei todelt svingskive på dekk med kapasitet opp til 10.000 tonn kabel, ei svingskive under dekk med ein kapasitet på 3500 tonn kabel, og ein fiberoptisk tank med ein kapasitet på 450 tonn.

Skipsbyggingskontrakten mellom Ulstein Verft og Nexans, ein global leiar i undersjøiske kabelsystem, vart signert i 2023. Skroget har vore under bygging ved Crist-verftet i Polen. Skroget har no blitt tatt inn i dokkhallen ved Ulstein Verft der utrusting, elektrisk arbeid, isolasjon og røyrlegging tek til. Ulstein Verft vil også installere hovudkomponentane som mellom anna femner om hovudgeneratorsettet, kraftpakken, dekksmaskineriet, vinsjar og dekksutstyr.

FØREBUDD FOR FRAMTIDA
Skipet er 155,2 meter langt og 31 meter breitt. Nexans Electra vil vere utstyrt for sikker og effektiv transport og installasjon av store mengder HVDC- og HVAC-kabelsystem og komplekse undersjøiske konstruksjonsoppgåver på djupt vatn. Kapasitetane på struktur og system, og dei fleksible designfunksjonane i skipet, gjer at det enkelt kan bli tilpassa framtidige kundebehov.

STOR KAPASITET OG HØG YTEEVNE
Nexans Electra er designa av Skipsteknisk, og byggjer på Nexans Aurora, som vart levert frå Ulstein Verft i 2021. Fartøyet er designa særskilt for å transportere og legge Nexans sine undervassprodukt, kabelbunting, utøving, opptaking og reparasjon av slike produkt. Fartøyet er i stand til å operere effektivt under utfordrande vêrforhold og har eksepsjonelt høg manøvrerings- og posisjoneringsevne. Integreringa av høgkapasitet landstraumsystem, eit energilagringssystem og tilpassingsevne for biodrivstoff sikrar eit redusert miljøavtrykk.

STÅR STØTT PÅ EIN SAMLA EKSPERTISE
Fartøyet har blitt utvikla gjennom den kombinerte erfaringa til Nexans, Skipsteknisk, Ulstein Verft og NOV Remacut, kvar av desse leiande innan sine respektive område. Dette samarbeidet har ført fram til eit kabelleggingsskip som kan utføre operasjonar over heile verda, og som dekker heile spekteret av grunne og djupe undervassaktivitetar.