Første seismikkfartøyet med Ulstein X-bow er levert. Seismikkfartøyet WG Columbus blei nyleg levert til WesternGeco og hadde sin jomfrutur over Atlanterhavet på veg til fyrste oppdrag i Mexico Gulfen. Fartøyet er av type Ulstein SX124, bygd ved verftet Barreras, Vigo i Spania.

Frå prøveturen tidlegare i år var tilbakemeldingane gode. - Reiarlaget var godt nøgde etter at skipet haldt 15 knop trass i 55 knop vind og bølgjer på 3-4 meter, fortel prosjektleiar Mikal Warholm i Ulstein Design. Mick Richardson frå WesternGeco ga melding om at skipet hadde fine, mjuke bevegelsar trass i røffe vêrforhold, fortel Warholm vidare.

Dette er det fyrste seismikkfartøyet som er bygd med Ulstein X-bow.  Båten kjem til Miami i USA i desse dagar, der vil det bli utført justeringar av Seismic Track steering i DP systemet med seismikkutstyret satt på sjøen. Dette er førebuande testar før WG Columbus byrjar på sitt fyrste oppdrag i Mexico Gulfen.

WesternGeco kjøpte i desember 2007 Eastern Echo som då hadde fire seismikkskip med Ulsteindesign under bygging ved Barreras i Spania og to Ulstein SX124 fartøy med Ulstein Design under bygging ved Drydocks World i Dubai. WG Columbus er det fyrste skipet, dei fem andre er planlagt levert i løpet av året. Western Geco har sitt hovudkontor i Houston.