Bergen Engines og Stadt Naval går saman med mål om å utvikle og levere ei fullstendig norskutvikla, integrert diesel-elektrisk framdriftsløysing for framtidas marinefartøy.

Løysinga er basert på Bergen Engines sine høgkvalitets og velprøvde generatoraggregat og Stadt sin prisvinnande Lean Propulsion^®-teknologi, gjennomprøvd over 14 år. Løysinga syter dermed for marknadens høgaste pålitelegheit, lågaste signatur (Stealth), lågaste tap/utslepp,  men også framtidsretta drivstoff-fleksibilitet. Løysinga er lett, tek lite plass og kan nyttast både til fast- og variabel turtals AC-generatorar frå Bergen Engines sitt omfattande motorutval, med effekt frå 1,4 til 9,6 MW per motor.

Samarbeidet mellom Bergen Engines og Stadt Naval skal sikre marinen eit suverent framdriftssystem som er  konstruert for robust operasjonell toppytelse, eigna for lengre oppdrag. Løysinga er utelukkande basert på norsk og europeisk produksjon, utan avhengigheit av sjeldne jordartar.

EIT UNIKT NORSK SAMARBEID
Noreg har ei stolt maritim og marine tradisjon. Med utgangspunkt i denne arven har Stadt Naval AS og Bergen Engines AS inngått eit strategisk samarbeid for å utvikle, marknadsføre og levere integrerte diesel-elektriske framdriftssystem til statlege og marine fartøy. Dei kombinerte løysingane frå selskapa er òg tilgjengelege for kommersielle havgåande skip.

Stadt Naval er ein prisvinnande innovatør innan elektrisk framdrift. Med over 40 års utviklingserfaring og 30 marine og kommersielle fartøy i drift verda over med den patenterte Stadt Lean Propulsion^®-teknologien, har Stadt opparbeidd eit sterkt omdøme frå skip som har operert, miljøvennleg utan feil over heile verda sidan 2010.

Som ein høgkompetent og erfaren systemintegrator vil Stadt, i samarbeid med Bergen Engines og utvalde leverandørar av gir og propell, levere eit komplett og integrert elektrisk framdriftssystem til sluttkunden.

80 ÅRS TRADISJON FRÅ BERGEN
Bergen Engines utviklar og produserer mellomturtalsmotorar som er anerkjende for marine bruk over heile verda. I meir enn 80 år har Bergen levert pålitelege motorar og generatoraggregat til både marinen og kommersielle aktørar. Genset-familien BERGEN B33:45L er kjend for si robuste yting, framifrå drivstoffeffektivitet, fleksibilitet for ulike drivstofftypar, vedlikehaldsvennleg moduldesign og låge livssykluskostnader.

Saman kan selskapa tilby ei fullstendig norsk “one-stop-shop” for integrert elektrisk framdrift (IEP), skreddarsydd for dei krevjande behova innan marine operasjonar og langvarig driftsevne.