Ulstein Equipment B.V. vart heidra med IRO Oil & Gas sin innovasjonspris for Ulstein Colibri, eit produkt til bruk på tuppen av ei kran, og med eit 3D-rørslekompensert handteringssystem for å auke operasjonsevna til eit fartøy. Dette gjer at mindre og meir kostnadseffektive fartøy kan bli nytta ved dårlege vêrtilhøve.

Torsdag 3. desember 2015 vart IRO Oil & Gas Innovation Event arrangert i Nederland. På dette arrangementet fekk tre førehandsutplukka selskap presentere innovasjonane sine. Deltakarane på arrangementet valte selskapet Ulstein Equipment som vinnar med sin Ulstein Colibri.

Ulstein Colibri kan monterast på tuppen av ei kran. Dette kostnadseffektive og kompakte tilleggsutstyret for kraner kan bli montert på standardkraner, både nye og eksisterande. Det elektrisk drivne systemet har effektivt kraftforbruk, og høver godt til arbeid for offshorevindindustrien og olje- og gassmarknaden.

Kompensasjonsteknologi for 3D-rørsler er ikkje nytt i industrien og har gitt auka operasjonsevne for personelloverføringar mellom fartøy og fastmonterte offshoreplattformar ved å bruke rørslekompenserte gangbruer.

Det typiske er at operasjonar vil krevje at både personar og gjenstandar må passere mellom fartøyet og plattforma. Det neste naturlege steget for å auke operasjonsevna er difor rørslekompenserte overføring av last for å samsvare med den auka operabiliteten ein får med kompenserte gangbruer.

Ulstein Equipment vart også tildelt IRO sin innovasjonspris i 2013 for deira Chain-Type Stinger Handling System. IRO står for: Association of Dutch Suppliers in the Oil and Gas Industry.